上一场波马体会面对住杰罗纳的大胜，亦都喺我嘅预料之中，确实球队而家嘅整体实力增强咗好多。其实好简单，斯蒙尼已经不满足于以往嘅防守反击，佢而家可以扑出嚟，用较强嘅攻势去压制对手。

另外上一场波啦转踢532阵式系比较之有趣的一个阵容，两个边路的进攻打得相当唔错。同埋小蜘蛛艾华利斯，首发搭档住基士文，有非常之好嘅化学作用。但系以效率或者搭档嘅基础嚟讲，用翻索洛夫搭住基士文或者蛛艾华利斯，可能个风格会更加多变，系杀伤力进一步扩大。

爱斯宾奴最近都系一个西甲、西乙的升降机，所以今个赛季，依然系保级为第一目标。结果开季前两轮就输波啦，输俾皇苏就意料之中，输俾华拉杜列，亦都睇得出喺实力上边佢哋系有欠缺嘅。

特别系上个赛季西乙场均1.4个入球，到目前的西甲，而家都未有开斋。所以攻击力上边，要多滴变化了。球队踢嘅442阵式，属于均衡类型，但由于整体实力所限，可以攞出嚟嘅变化实在系唔多。

今场波马体会主场优势明显，再加埋而家食住度势，火力强劲，斯蒙尼可以领军继续去完胜对手。