杰罗纳新赛季嘅成绩有所下滑都系预期当中。因为去到夏天，杜夫比克俾罗马买走啦，阿历斯加西就俾利华古逊买走，仲有边路摩里拉亦都系走咗。三个进攻主力离开，令到主教练米祖尔需要重新去适应以及磨合新人。即战力回复到上个赛季咁强咧，就系难啲嘅。

第一场打和贝迪斯还算可以啊，第二场虽然输比马体会，不过整体喺场面上边佢哋并唔系输蚀太多。同埋上个赛季有15胜2和2负嘅主场成绩，两轮联赛过后第一次翻到主场，对于杰罗纳嚟讲绝对系一个触底反弹嘅好机会。

奥沙辛拿其实过去四个赛季基本上都排名中间，新赛季亦都有一胜一和，但系进攻力上边暂时表现系麻麻哋。另外佢哋上个赛季嘅联赛客场，有6胜4和9负，整体嚟讲得分嘅效率都唔算差。

主场作战系西甲球队嘅一大优势啊，所以奥沙辛拿继续用4141做稳守反击，但系上个赛季俾对手双炒，始终喺个心态上边啊，会有一定嘅落差。呢场波咧，我仲系会捧场翻杰罗纳，睇好可以触底反弹系主场小胜对手。